Physiotherapist

Main… sparsh nahin… sankalp hoon.
Thak chuke dil mein…
phir se jeene ki halki si umang hoon.

Jab koi dard… chup hota hai,
main… bina kahe… use samajh jaata hoon.
Jab koi… chal nahin paata,
main uske kadmon mein… hausla ban jaata hoon.

Main dawa nahin…
par ek umeed hoon.
Jo har toote hue insaan ko…
dheere-dheere… phir se jodti hai.

Main aansuon mein chhupa vishwas hoon…
jo kehta hai — “rukna nahin hai…”
Main us khamoshi ki pukaar hoon…
jo cheekhti nahin…
par… sunai deti hai.

Main us pehli muskaan mein hoon,
jo dard ke dino ke baad laut-ti hai…
Main us chhoti si koshish mein hoon,
jo “ab aur nahin hoga” kehne ke baad bhi…. phir se hoti hai.

Main hoon , ek physiotherapist.
Main ilaaj nahin…
ek bharose ki… muskaan hoon.

Vishwa Shah
TY BPT